Hvað er BitTorrent og hvernig virkar það ?

BitTorrent tæknin byggist á því að reiknuð er skráarsumma hverra X kílóbæta af þeim skrá sem á að dreifa og þær settar inn í, ásamt fleirum upplýsingum, í eina skrá sem ber endinguna .torrent og getur dreifingaraðilinn dreift þeirri skrá eins og hann vill.
Þeir sem opna .torrent skrána með sérstökum forritum geta því sótt skráarbútana frá þeim sem bjó til .torrent skránna. Ólíkt mörgum öðrum forritum, þá getur sækjandinn byrjað að dreifa hverjum skráarbút áfram um leið og hann er kominn með hann. IceBits.Net býður upp á aðstöðu fyrir skráða notendur til að senda inn sínar eigin torrent skrár eða sækja torrent skrár annarra notenda. Til að sjá skráarlista, þá geta innskráðir notendur notað "Skrár" möguleikann í efnisyfirlitinu og þar geta notendur notað leitarkerfið til að finna skrár eftir texta eða leita eingöngu í völdum flokkum.

Viðvaranir

Viðvaranir eru gefnar út ef notandi brýtur einhverja af þeim reglum (skilmálar innifaldir) sem eru í gildi á IceBits.Net nema brotið kalli á bann.

Sama tímalengd er á viðvörunum fyrir sömu brot en þó geta komið upp tilvik eða heimild í reglum fyrir mismunandi lengd.

Notanda með viðvörun er refsað á eftirfarandi hátt:
Biðtími frá innsendingu nýrra torrenta er settur í 24 klukkustundir.
Hefur jafnmörg hólf og byrjendur hafa til umráða.
Getur ekki búið til boðslykla. Einnig geta þeir sem hafa fengið boðslykla áður en viðvörun var sett ekki nýskráð sig.
Getur ekki sent inn eftirspurnir.
Þegar viðvörunin gildir ekki lengur, þá eiga þessar refsingar ekki lengur við.

Viðvörun gildir ekki frá því að brotið er framið, heldur hvenær hún er gefin.

Sviðstjóri Viðvaranasviðs sér um að skilgreina tímalengdir viðvarana fyrir brot sem ekki hefur verið refsað fyrir áður. Allir ósættir eða spurningar varðandi viðvaranir almennt eða einstakar viðvaranir eiga að berast til fyrrnefnds sviðstjóra en ekki endilega til þess sem gaf viðvörunina.

Viðvaranir eru eingöngu teknar af ef sannað þykir að viðkomandi braut ekki af sér eða hefur þegar fengið viðvörun fyrir nákvæmlega sama atvik.

Viðvörunartímabili er eingöngu breytt ef vitlaust tímabil var gefið út þegar viðvörunin var sett en þá er alltaf leiðrétt svo refsing notanda verði ekki minni en samkvæmt eðli brotsins.

IceBits.Net er að valda erlendu niðurhali!

Það er ekki við IceBits.Net að sakast ef viðkomandi notandi lendir í erlendu niðurhali. IceBits.Net heimilar eingöngu innlendum aðilum að taka þátt í dreifingu skráa sem eru dreifðar með tilstuðlan IceBits.Net. Komist erlendir aðilar í dreifinguna liggur orsökin í því torrent forriti sem notandinn er að notfæra sér til verksins.

Séu einhverjar áhyggjur af erlendu niðurhali, þá er fyrir bestu að nota forritið µtorrent, sem er einmitt torrent forritið sem IceBits.Net mælir með.

Sumir eru að nefna að erlendir fánar birtist í torrent forritunum þeirra og er það ekkert óvenjulegt. Fánarnir eru ekki reiknaðir út frá staðsetningu tölvunnar, heldur frá lénsendingunni sem vistfangið (IP talan) vísar á. Ef það endar ekki á ".is", þá kemur erlendur fáni þrátt fyrir að tölvan sé staðsett á Íslandi. Fánarnir þurfa því ekkert að benda á rétta landið og ætti því ekki að treysta blint á þá.

Hver er stefna IceBits.Net varðandi auglýsingar?

Það má auglýsa hvað sem er á IceBits.Net nema það brjóti gegn skilmálunum eða reglunum.

Ef það er búinn til nýr spjallpóstur, þá skal setja hann í spjallflokkinn "Keypt og selt". Það má einnig auglýsa í smámyndinni eða undirskrift. Þó er ekki litið vel á það að beinar auglýsingar séu settar sem hluti af svari í spjallþræði eða að verið sé að svara spjallpóstum í þeim tilgangi að koma beinni auglýsingu á framfæri nema að verið sé að mæla með einhverju og það tengist umræðuefninu.

Í athugasemdum við torrent innsendingar eða athugasemdum við eftirspurnir er stranglega bannað að auglýsa nema sem það sé hluti af undirskrift eða smámynd.

Á spjallrásinni má vera með auglýsingar svo framarlega að tíðni þeirra sé ekki að hindra fólk í að spjalla á rásinni eða útlit verði að hún verði að auglýsingarás.

Það má auglýsa DC tengipunkta eða aðra BitTorrent vefi, hvort sem þeir eru íslenskir eða erlendir.

Ég vil ekki [setja-inn-nafn-hér] á vefinn, gætuð þið tekið það út?

Eins og er almennt í þjóðfélaginu, þá er ekki hægt að gera öllum til geðs og eru því sumir hlutir hér á vefnum sem ekki öllum líkar vel við. Áður en lögð er hugmynd eða heimtað að IceBits.Net fjarlægi eitthvað, þá er ágætt að athuga hvort að síunarmöguleiki er í boði. Það er til dæmis hægt að sleppa því að sjá smámyndir sem notendur hafa merkt sem særandi eða móðgandi. Einnig er hægt að sleppa því að sjá undirskriftir notenda og sjá eingöngu ákveðna flokka torrenta. Allt þetta er hægt að stilla í prófíl.

Það eru samt nokkrir hlutir sem ekki verða gerðir nema reglurnar nefni annað:
* Notendur bannaðir eða refsað fyrir að nefna sína skoðun.
* Sett orðasía á spjallborð eða aðra staði á vefnum.

Brjóti eitthvað gegn reglum IceBits.Net eða landslögum, vinsamlegast hafðu samband við stjórnanda.

Hvernig nær maður í ykkur?

Það er mjög einfalt og eru nokkrar leiðir útskýrðar hér; Contact

Við mælum með MSN leiðinni.

Villuskilaboð sem eru ekki listuð hér

Oftast liggur merking og lausnir villuboða í villuboðunum sjálfum. Skilji notendur ekki hvað er verið að nefna í boðunum eru þeir beðnir um að rýna aðeins meira í þau eða spyrja á spjallborðunum ef það er eitthvað (notið samt leitina fyrst).

Villa 1: Vantar [???]

Samkvæmt okkar heimildum, vantar einhvern lykil sem við þurfum frá þér.

Líklega hefur þú verið að breita stillingum í forritinu þínu ef þetta fór að koma skyndilega.

Ef þetta kom eftir að þú settir upp torrent forritið þitt, er forritið ekki stutt af okkur.

Við mælum með BitTorrent útgáfu 6 eða nýjustu uTorrent útgáfunni.

Villa 2: [???] þitt er [??]

Samkvæmt okkar heimildum, er eftirfarandi lykill ekki 20 stafir.

Líklega hefur þú verið að breita stillingum í forritinu þínu ef þetta fór að koma skyndilega.

Ef þetta kom eftir að þú settir upp torrent forritið þitt, er forritið ekki stutt af okkur.

Við mælum með BitTorrent útgáfu 6 eða nýjustu uTorrent útgáfunni.

Villa 3: Auðkennislykill [???]

Auðkennislykill þinn er ekki gildur, villan sem gefin er upp eru hversu margir stafir auðkennislykill þinn er.

Sá lykill þarf að vera nákvæmlega 32 stafir, ef hann er ekki 32 stafir þarft þú að sækja torrent skrána þína aftur.

Útskýringin er sú að þú hefur líklega verið að breita tilkynningarslóðinni á torrentinu í Properities.

Villa 4: Forrit þitt ekki stutt

Kerfið okkar passar uppá það að þú notir ekki ólögleg torrent forrit.

Þessi villuskilaboð koma einnig ef þú reynir að tengjast announce.php beint í gegnum vafra

Villa 5: Ógilt port / hólf

Notendur mega ekki nota eftirfarandi port:

Direct Connect: 411 - 413
Kazaa: 1214
eDonkey: 4662
Gnutella: 6346 - 6347
BitTorrent: 6881 - 6889

Villa 6: Ógildur auðkennislykill

Auðkennislykillinn þinn er ógildur.

Lausnin er sú að fara í prófíl og haka í "Endursetja auðkennislykil" undir "Öryggisstillingar".
Sækja svo allar torrent skrár sem þú hefur í torrent forritinu þínu aftur og hlaða þeim inn í forritið aftur.

Villa 7: Torrent ekki á skrá

Svo virðist sem torrent sé ekki á skrá. Ef þú ert að sækja eitthvað torrent og hefur ekki klárað það, mæli ég með því að þú farir í Eftirpurnir og óskir eftir því að það verði sent inn aftur með sömu md5 summu. Ef þú hefur klárað torrentið og vilt senda það inn aftur, þá gerir þú það bara.

Villa 8: Tengingartakmörk brotin

Nú er ætlaði kerfið að skrá þig að deila á tvær ip tölur.

Ef þú ert með forrit í tvemur tölvum, sem eru í sitthvoru húsinu. Verðuru að passa þig á því að vera ekki með sömu torrent í báðum forritunum.

Ef þú hefur stoppað torrentið í öðru forritinu, ætti þetta að lagast með að bíða smá.

"Hostname Not Found" eða álíka skilaboð í torrent forritinu

Orsökin hefur verið rakin til þess að eldveggur eða vírusvörn inn í þeirri tölvu eru að hindra tengingar torrent forritsins út á Internetið.

Eina sem þarf að gera er að leyfa tengingu þess, annað hvort handvirkt eða sjálfvirkt. Leiðbeiningar til að gera það eru oftast fáanlegar á vef framleiðanda eldveggsins/vírusvarnarinnar.

Hvað má ekki setja inn sem eftirspurn?

Stranglega bannað er að spyrja um eitthvað sem er gegn reglum og/eða skilmálum IceBits.Net.

Innifalið í því, en ekki takmarkað við, er sérstök eftirspurn eftir "cracki", "keygenerator", "serial" eða forritum sem eru ekki gerð með löglegan tilgang í huga.

Hvenær ætti ég að búa til eftirspurn?

Svo að eftirspurnarkerfið fyllist ekki af óþarfa, þá ættirðu að íhuga eftirfarandi:
* Athuga vandlega hvort að hluturinn sé ekki nú þegar í boði. Ef hann er listaður sem dauður, athugaðu hjá innsendanda hvort hann vilji halda áfram með hlutinn fyrir þig.

* Leitaðu í eftirspurnarkerfinu hvort að það sé þegar búið að spyrja um það sem þú leitar eftir. Sé ekki búið að merkja við að hún sé uppfyllt, greiddu henni atkvæði.

* Ekki spyrja um eitthvað sem hefur of víða skilgreiningu. T.d. "Eitthvað Machinima" þegar hægt er að spyrja um "Red vs. Blue" sem er slíkt efni. Einnig skal ekki spyrja um "Allt með..." þar sem það efasamt að einhver geti uppfyllt það. Vertu mjög nákvæm(ur) varðandi það sem þú ætlar að spyrjast eftir.

* Ekki spyrja um eitthvað sem ekki er hægt að koma fyrir í einu torrenti án þess að brjóta reglurnar eða sé gegn almennri skynsemi.

* Ekki spyrja um marga hluti í einu í sömu eftirspurn.

* Athugaðu að sumt á bara ekki heima í eftirspurnarkerfinu og ættirðu að íhuga það vel hvort það borgi sig að setja það inn.

Hvenær ætti ég að uppfylla eftirspurn?

Vinsamlegast eingöngu merkja að við að eftirspurn sé uppfyllt ef þú uppfyllir allt það sem spyrjandi biður um.

Það er engin skylda að vera sá sem sendir inn efnið þegar eftirspurn er uppfyllt. Það er fullkomlega leyfilegt að uppfylla eftirspurn með efni sem annar notandi hefur sent inn.

Ekki uppfylla eftirspurn sé beðið um eitthvað sem má ekki dreifa á IceBits.Net eða er ekki hægt að setja í heilt torrent án þess að brjóta reglur IceBits.Net eða stríðir gegn almennri skynsemi.

Skipulag eftirspurna

Eingöngu virkir notendur, mjög virkir notendur, merkisfólk og stjórnendur geta sent inn eftirspurnir. Hver notandi fær í upphafi tvær eftirspurnir. Síðan fær hann eina eftirspurn í viðbót fyrir hverja eftirspurn sem hann uppfyllir sjálfur.

Mínar eftirspurnir er tólið sem á að nota til að hafa umsjón með þeim.

Ekki er hægt að eyða eftirspurnum sem búið er að kjósa um eða eru uppfylltar.

Hvernig bæti ég við smámynd í prófílnum mínum?

Fyrst, finndu mynd sem þér líkar, og sem brýtur ekki gegn reglum eða skilmálum IceBits.Net. Síðan verðurðu að finna stað til að hýsa hana. Mælst er með því að nota myndabanka IceBits.Net til að hýsa hana.
Eina sem eftir er er að afrita slóðina sem þér var gefin þegar þú sendir myndina inn yfir á smámyndina í prófílnum þínum.

Allir notendur geta notað myndakerfi IceBits.Net til að geyma smámyndir.

Gjörðu svo vel að senda ekki inn á spjallborðið bara til að prófa smámyndina þína. Ef allt var gert rétt ættir þú að sjá smámyndina í notandaupplýsingasíðunni um þig sem hægt er að komast á með því að klikka á notandanafnið rétt undir IceBits.Net merkinu efst til vinstri.

Ég glataði notandanafni og/eða lykilorði, hvað get ég gert?

Notaðu þetta eyðublað til að fá upplýsingarnar sendar aftur til þín.

Getið þið breytt notandanafninu mínu?

Já, en það er gert í gegnum formið Breyta notandanafni.

Vinsamlegast athugaðu eftirfarandi:
5 gígabæti í deilimagn eru dregin frá þér í hvert skipti sem hún er framkvæmd. Ef þú hefur ekki deilimagnið til að borga aðgerðina, þá geturðu ekki framkvæmt hana.
Sömu kröfur eru gerðar til leyfðra stafa í þessu formi og við nýskráningu. Eingöngu eru leyfðir íslenskir stafir og tölustafir.
Fyrir utan kostnaðinn fyrir aðgerðina og að notandanafnið sjálft breytist, haldast allar upplýsingar á aðgangnum í gegnum breytingarferilinn.
Þessar breytingar eru sérstaklega skráðar.
Engar "endurgreiðslur" eiga sér stað ef þú vilt breyta til baka eða gerðir mistök í innslætti.

Notkun á forminu:
Í efri reitinn skal slá inn notandanafnið sem óskað er eftir og í þann neðri lykilorðið sem er í gildi á aðgangnum. Eftir að hafa ýtt á "Breyta!" kemur upp staðfesting ásamt því hvernig nýja notandanafnið kemur út og skal slá inn lykilorðið aftur og ýta á "Breyta!" til að staðfesta breytinguna.

Get ég eytt aðgangnum mínum?

Nei, það er ekki í boði. Ein af ástæðum þess að það er ekki í boði er vegna fjölda beiðna frá notendum sem hafa eytt honum á þann hátt og séð eftir því. Einnig hefur verið hætta á að einhver brjótist inn á aðganginn og framkvæmi eyðingarskipunina sem skemmir notkunarmöguleika aðgangsins.

Hvað er hlutfallið mitt?

Hlutfallið þitt er í upplýsingunum sem eru rétt undir IceBits.Net merkinu efst til vinstri á hverri síðu. Fyrir aftan hlutfallið er tengill sem kallast "Um hlutföll" en þar eru nánari upplýsingar um hvað hlutföll eru.

Af hverju er IP talan mín birt á upplýsingasíðunni minni?

Eingöngu þú eða stjórnendur geta séð IP töluna þína eða netfang. Aðrir notendur hafa ekki aðgang að þessum upplýsingum. Farið verður með hana sem persónuupplýsingar sbr. persónuverndarstefnu IceBits.Net

Hjálp! Ég get ekki innskráð mig!

Vandamálið kemur stundum fyrir í Microsoft Internet Explorer. Lokaðu öllum Internet Explorer gluggum og opnaðu Internet Options í stjórnborðinu. Klikkaðu á Delete Cookies takkann. Þú ættir núna að geta innskráð þig.

Önnur algeng ástæða er að aðgangurinn hafi verið gerður óvirkur, eyddur eða rangt notandanafn og/eða lykilorð er skráð inn. Tölvupóstur er sendur ef notandi var gerður óvirkur vegna hlutfalla. Í þeim tilvikum er hægt að biðja um vikufrest.

Hvaða stöður eru þetta?

• Nýgræðingur
  Sjálfgefni flokkur notenda. Inn í hann eru allir notendur sem hafa deilt minna en 10 gígabætum af gögnum á IceBits.Net.
• Notandi
  Venjulegir notendur. Allir þeir sem hafa deilt 10 gígabætum eða meira en falla ekki undir æðri stöður.
• Virkur notandi
  Kröfur fyrir virka notendur eru að hafa 25 gígabæti eða meira í deilimagn, 1,05 eða hærra í hlutföll og hafa verið meðlimir í 2 vikur. Hafa það yfir lægri stöður að geta sent inn eftirspurnir. Einnig geta þeir séð lægri sæti í topp 10 listanum og séð notandalistann.
• Gefandi
  Þeir sem hafa stjörnu hafa styrkt IceBits.Net fyrir 500 krónur eða meira. Þessir notendur fá alltaf að minnsta kosti sömu kjör og "Virkur notandi" en geta breytt sínum eigin titli. Jafnvel þótt gefendur séu í lægri stöðu en "Virkur notandi", þá njóta þeir samt sem áður réttinda sem sú staða gefur.
• Stjórnandi
  Er hluti af starfsliði vefsins. Hefur ýmis réttindi fram yfir aðra notendur sem verða ekki talin upp hér.

Hvernig virka þessar stöðubreytingar?

• Virkur notandi
  Verður að hafa verið meðlimur í 2 vikur, hafa dreift að minnsta kosti 25GB og hafa 1,05 í hlutföll eða hærra.
  Stöðuhækkunin fer fram þegar þessi skilyrði eru uppfyllt. Þetta er athugað sjálfvirkt á sólarhringsfresti. Notandinn fær sjálfkrafa stöðulækkun ef hann fer einhvern tímann neðan fyrir 0,95 í hlutföll.
• Notandi
  Allir þeir sem hafa deilt 10GB eða meira en falla ekki undir æðri stöður.

Helstu ástæður fyrir því að staðan breytist ekki

• Notandinn er að svindla. (þekkt sem "Upplýsingabann")
• Netþjónninn er undir álagi. Reyndu að halda áfram eins og ekkert hafi í skorist þangað til netþjónninn svarar aftur. (Ekki er ráðlegt að flæða netþjóninn með stöðugum handvirkum uppfærslum.)
• Þú ert með gallað forrit. Ef þú ert að nota tilraunaútgáfu eða CVS útgáfu, þá gerir þú það á þinni ábyrgð.

Margar IP tölur (Get ég notað torrent á mörgum tölvum?)

Já, IceBits.Net setur auðkennislykil í allar deiliskrár sem þú nærð í frá vefnum og er hægt að nota hverja deiliskrá í allt að 3 tölvum. Í öllum samskiptum við deilistaðinn tilkynnir tölvan þín þennan auðkennislykil og þannig veit IceBits.Net að það sé um þig að ræða.

Hvernig hefur NAT/ICS áhrif á möguleikann minn til að nota IceBits.Net?

Þessi texti miðast við möguleikann um að sækja og deila skrám með IceBits.Net. NAT (Network Address Translation) og ICS (Internet Connection Sharing) eru aðferðir svo hægt sé að nota margar tölvur inn á sama staðarneti (LAN).

ICS er forrit sem kom fyrst í Windows XP og er notað til að deila aðganginum að Internetinu í gegnum tölvuna. Þetta er ein af þeim leiðum sem hægt er að fara ef aðgangurinn að netinu er í gegnum innbyggt mótald. ICS veldur því að eina leiðin til að notandinn verði talinn sem virkur þegar hann tekur þátt í torrent færslu er þegar torrent forritið er keyrt á þeirri tölvu sem er með ICS í gangi. Þær tölvur sem tengast í gegnum hana verða alltaf taldar sem óvirkar.

NAT er tækni sem er notuð í beinum (routers) og notuð til að beina rásum (ports) á ákveðnar tölvur eftir því hvaða rás utanaðkomandi pakki fer á. Notandinn þarf að stilla NAT reglurnar sjálfur svo að réttar rásir fari á réttar IP tölur. Sé fleiri en einn notandi að nota sömu tengingu við Internetið, þá þarf að stilla mismunandi rásaraðir (ágætt að miða við 50-100 rásir) fyrir hvern notanda svo að allir geti orðið virkir og stilla þær rásir sem beinast á viðkomandi tölvu inn í torrent forritið. Nánari upplýsingar um NAT eða hjálp til að stilla beinana eiga að fást hjá viðkomandi internetþjónustuaðila.

Fyrir þá sem hafa áhuga...

Einhverjar upplýsingar um "innri viði torrent samskipta" (á ensku).

Góðar ráðleggingar

• Ef að torrent skrá sem þú ert að ná í/sækja er ekki listuð í prófíl, bíddu aðeins eða framkvæmdu handvirka uppfærslu.
• Vertu viss um að loka torrent forritinu þínu almennilega svo að deilistaðurinn fái "event=completed".
• Ef að IceBits.Net er niðri, ekki hætta að deila. Svo lengi sem IceBits.Net kemst aftur upp áður en þú lokar torrent forritinu ætti staðan þín að uppfærast rétt.

Get ég notað hvaða BitTorrent forrit sem er?

Já. Deilistaðurinn uppfærir stöðuna rétt fyrir öll BitTorrent forrit nema Transmission fyrir útgáfu 0.70. Samt sem áður mælum við með að þú forðist eftirfarandi forrit:

Transmission (staða: útgáfur fyrir 0.70 bannaðar)
? BitTorrent++,
? Nova Torrent,
? TorrentStorm.

Þessi forrit eru gölluð þar sem þau fara ekki alveg eftir staðlinum. Ef þú notar þau gæti ekki allt deilimagn verið gefið upp og torrentin gætu verið listuð í prófílnum í nokkurn tíma eftir að þú lokar þeim.

Einnig ættu að forðast forrit í tilrauna- eða prufuútgáfum.

Má ég senda deiliskrár héðan á aðrar síður?

Nei. Við erum á lokuðu samfélagi þar sem aðild er takmörkuð. Eingöngu skráðir notendur geta notað IceBits.Net vefinn. Innsending deiliskráa héðan er ekki beint gagnleg þar sem niðurhalið dæmist á þann notanda sem dreifði skránni og gerir ekkert nema slæma hluti fyrir notandann.

(Hins vegar, skrárnar sem þú nærð í héðan með tilstilli deiliskráanna er þér frjálst að gera það sem þú vilt með þær. Þú getur alltaf búið til aðrar deiliskrár sem beinir á aðra tilkynningarslóð og sent inn á aðra vefi að þínu vali.)

Hvernig nota ég skrárnar sem ég niðurhala?

Athugaðu þessar leiðbeiningar (á ensku).

Hvað er þetta "TA" á skráarsíðunni?

Öll torrent á IceBits.Net hafa "endalausan" líftíma, en er þó eytt eftir 42 daga ef engin er að deila/sækja torrentið. Á meðan það er deilari/sækjandi á torrentinu er því aldrei eytt af vefnum. TTL merkti "Time to Live", en þar sem öll torrent hafa tæknilega séð endalausan líftíma var því breytt í "Time Alive", en það sýnir bara hversu langt það er síðan torrentið var sent inn í klukkustundum.

Ég náði í myndband og veit ekki hvað CAM/TS/TC/SCR merkir?

Athugaðu þessar leiðbeiningar (á ensku).

Af hverju hvarf virk deiliskrá skyndilega?

Það geta verið þrjár ástæður fyrir því:
(1) Deiliskráin gat verið að brjóta á reglum vefsins.
(2) Sendandinn á möguleika um að stroka deiliskránni af vefnum innan ákveðins tíma frá innsendingu. Einnig er möguleiki að einhverjir gallar hafa verið á henni og stjórnendur hafi eytt henni fyrir innsendanda.
(3) Deiliskrám er eytt út eftir 28 daga á IceBits.Net vefnum nema þær séu á framlengdum líftíma. Innsendandi getur tekið þær af framlengdum líftíma hvenær sem er.

Hvernig hjálpa ég til með deilingu eða held áfram með skrá?

Opnaðu torrent skrána. Þegar torrent forritið spyr þig um staðsetningu, veldu staðinn þar sem skrárnar eru og það mun halda áfram að sækja og deila eins og ekkert sé.

ATH: Þetta verða að vera sömu skrárnar. Sértu að fara að hjálpa til með deilingu með annarri útgáfu af skránum en hafa sama nafn, þá er hætta á að torrent forritið þitt eyði út skránum sem voru. Ef þú fékkst skrárnar fyrir tilstilli nákvæmlega sömu torrent skrá, þá ættirðu ekki að hafa neinar áhyggjur ef þú gerir þetta rétt.

Af hverju stoppa niðurhöl á 99% eða álíkri prósentutölu

Því fleiri hluta sem þú hefur, því erfiðara er að finna jafnoka sem hafa hlutana sem þér vantar. Þetta er ástæðan fyrir því að sóknarhraðinn minnkar eða jafnvel stoppar þegar það eru bara fáein prósent eftir. Það eina sem þarf er þolinmæði og fyrr eða síðar muntu fá þessa hluta.

Af hverju koma þessi "a piece has failed an hash check" skilaboð?

Bittorrent forritið athugar hvort að móttekin gögn séu samkvæmt skráarsummunni sem torrent skráin inniheldur. Þegar gögn standast ekki prófið er þeim hent og sjálfkrafa náð í þau aftur. Þetta á það til að gerast stundum og er óþarfi að hafa áhyggjur af því.

Sum forrit hafa möguleikann um að hunsa jafnoka sem senda þér endurtekið slæm gögn. Það ætti að vera kveikt á þessum möguleika, þar sem það sér um að jafnokar sem gera það verði hunsaðir í framtíðinni.

Af hverju var sótt meira en skrárnar eiga að taka?

Sjá færsluna fyrir ofan. Ef torrent forritið þitt fær endurtekið slæm gögn, þá sækir það viðkomandi gögn aftur, sem þýðir að þú munt sækja meira en torrentið á að taka.

Ekki taka þátt í nýjum deilingum

Sóknarhraðinn fer eftir hlutfalli niðurhala og deilara á torrentinu. Lélegur sóknarhraði er algengur þegar hlutfallið er lágt.
Haltu áfram að deila þannig að aðrir lendi ekki í því sama.)

Besti hraðinn er þegar torrentið er í hálfum líftíma sínum. Hins vegar færðu ekki jafn mikið tækifæri til að vinna upp deilingarmagn ef þú gerir það.

Takmarkaðu deilihraðann þinn

Deilihraðinn þinn hefur tvenns konar áhrif á sóknarhraðann þinn:

• Bittorrent jafnokar eiga það til að setja þá sem senda til þeirra í forgang. Þetta þýðir að ef A og B eru skráarsugur á sama torrenti og A er að senda gögn til B á góðum hraða þá mun B reyna að bæta það upp. Þetta þýðir að mikill deilihraði leiðir til hærri sóknarhraða.
• Vegna þess hvernig TCP virkar, þegar A er að sækja eitthvað frá B, þá verður A að láta B vita að hann hefur fengið pakkana. (Þetta eru staðfestingapakkar - ACKs -, eiginlega "móttekið!" sendingar). Ef A mistekst að gera það, þá mun B hætta að senda pakka og bíða. Ef A er að deila á fullum hraða gæti verið engin bandvídd laus fyrir staðfestingarpakkana svo það verður töf. Þetta þýðir að of mikill deilihraði gæti þýtt lítill sóknarhraði.

Endanlegu áhrifin eru blanda af þessu tvennu. Deilihraðinn ætti að vera eins hár og hægt er en samt leyfa ACK pökkunum að sendast án tafa. Þumalputtareglan er að halda deilihraðanum á 80% af fræðilega deilihraða tengingarinnar. Þú verður að fínpússa stillingarnar til að finna út hvað virkar best fyrir þig. (Mundu að halda deilihraðanum eins háum og þú getur því það mun hjálpa hlutföllunum þínum.)

Ef þú ert með mörg eintök af sama forritinu í gangi, þá er það samanlagði deilihraðinn sem þú þarft að spá í. Sum forrit (t.d. Azureus) takmarka heildardeilihraðann þinn, önnur (t.d. Shad0w) hafa það á hverju torrenti. Önnur forrit eins og ftp þjónar munu hafa áhrif á deilihraðann þinn ef þau nota tenginguna þína.

Takmarkaðu fjölda samtímis tenginga

Sum stýrikerfi (eins og Windows 95/98/ME) eru ekki góð til að halda úti mörgum samtímis tengingum. Einnig sumir beinar (routers) (sérstaklega þegar þeir hafa NAT og/eða eldveggi) eiga það til að verða hægir eða hrynja þegar þeir fá of margar tengingar. Það er engin föst tala fyrir þetta, þú gætir prófað 60 eða 100 og prófað þær tölur. Athugaðu að þessar tölur safnast upp, ef þú ert að keyra tvö forrit á bakvið einn beini, þá mun það gerast.

Takmarkaðu fjölda tenginga út

Er þetta ekki það sama og fyrir ofan? Nei. Það er ágæt regla að hafa þá tölu talsvert lægri en tengihraðinn þinn er. Í þessu tilfelli er ágætt að miða við eina tengingu á hver 30KB/sek deilihraðans ef þú sendir inn torrent og þangað til þú ert ekki sá eini/eina sem ert að deila. Ef þú ert ekki sá eini/eina að deila, þá er hægt að miða þennan hraða við eina tengingu á hver 15KB/sek deilihraðans.

Venjuleg íslensk ADSL tenging hefur um 100KB/sek deilihraða sem gera um 4 tengingar ef þú ert að deila, annars ættirðu að geta sloppið með 6-8 tengingar en gætir þó miðað samt sem áður við 4. Þó er fyrir bestu að hafa sem fæstar úttengingar svo að hlutirnir gangi hraðar fyrir sig. Þó ber að geta að stillingar torrent forrita miða við allar úttengingar.

Gefðu þessu smá tíma

Eins og skýrt er fyrir ofan, þá eru jafnokar sem senda gögn sett í forgang hjá öðrum. Þegar þú byrjar sem skráarsuga, þá hefur þú ekkert að bjóða til hinna og þeir eiga það til að hunsa þig. Þetta orsakar að upphaflega er hraðinn hægur, sérstaklega ef af þeim jafnokum sem þú tengist eru fáir deilarar. Sóknarhraðinn ætti að hækka um leið og þú hefur einhver gögn til að deila.

Af hverju er netið svo hægt þegar ég nota torrent?

Sóknarhraðinn þinn er takmarkaður. Ef þú ert jafnoki í hröðu torrenti, þá mun það fullnýta sóknarhraðann þinn og netið mun vera hægt í öllu öðru. Flest torrent forrit bjóða upp á að takmarka sóknarhraðann og ætti að stilla það á um 70-90% af fræðilega sóknarhraða þínum. Ef tengingin er notuð fyrir leiki, DC, þá ætti að hafa hann stilltan á um 50%.

Þú getur reynt það sem stendur á eftirfarandi slóð:

Ef lausnin við vandamálinu er ekki hér, vinsamlegast lesið það sem stendur á slóðinni Vandamál

Villan „Þessi skrá var ekki B-kóðuð“ kemur upp.

Til þess að hægt sé að nota skránna verður hún að vera B-kóðuð.

Ég skrifaði tv.com slóð og ég fékk bandvitlausa lýsingu?

Ástæðan er sú að við höfum aðeins forritað þann hluta sem það getur sótt upplýsingar um einstakann þátt en ekki einstaka þáttaröð. Gangið úr skugga um að þið séuð að velja þátt en ekki heila þáttaröð, einstakur þáttur hefur esvipaða slóð þessu: http://tv.com/episode/00001/summary.html